وش الجديد

[الشقردي]

( وش الجديد ؟ )

يا أنا ..

وش الجديد ؟

منكسر خاطرْك واحساسك غريب ! وغربته منه وفيه ..

ضايقه فيك الوسيعه .. وما انت قادر تكتب احساسك قصيد ..

تفتح الدفتر .. وتجمع مابقى من اول وآخر جروحك

وتجمع انفاسك وتكتب :


من هنا كانت بدايات الحزن
.. ورده .. وضيقه .. وتلويحة جفا !
من هنا تتشكل عيونك مزن
ويتساقط .. ما بقى بك من .. وفا



وتختنق فجأه .. وتسكت

تقلب الصحفه .. وتشعر بان بياض سطورها كنه بياضك !

تستحي يتشوّه الطهر بجنونك !

ترمي عيونك عليها .. حيره وتفكير واعجاب و تمّعن :

تكتشف بان الطهر في الوقت هذا ما يفيد !

وتقول بكتب


واتـّساقط فوقها .. ضيق وتناهيد وحبر ..

كنك تدوّر لحزنك داخل الصفحه قبر !

اتخيّر في سماها الصافيه ..

عن عريس .. وفارس احلام .. العروس : القافيه !

عن مكان يليق باحساسك .. الليله


ويرضي لك غرورك ..

وصعب تلقى لك مكان يناسب حروف انهيارك وانكسارك لان اصلا ً ضيقتك واحساسك وثورة شعورك :

كلها ..

ما كانت بيوم اختيارك !


يا أنا ..



وش الجديد ؟

لا بقيت الليله لحالك ..

ولا حولك احد

.. يفهم اللي ما عرفت تقوله ..

وياصل اللي ما قدرت تطوله !!

ما انت كنت البارح لحالك وفي نفس الشعور !

وبكره



.. ان ربي عطانا عقل واحساس وعمر !

بنفس هالموقف .. تمر !

صح معاك كثير ..

وحولك اكثر منهم بكثير ..

ومن يبي يوصلك اكثر من ( كثير ) كثير !

بس صدقني رغم ذلك :

بكره بتجلس هنا .. لحالك ..



منكسر خاطرْك واحساسك غريب ! وغربته منه وفيه ..

ضايقه فيك الوسيعه .. وما انت قادر تكتب احساسك قصيد ..

وتسائل ليه انا الليله وحيد ؟

وتفتح الدفتر .. وتسأل نفسك بنفسك :

اكتب اول


ولا ّ اكتب

آخر جروحي وبوحي ..

واتـّراجع !!

ليه اكتب ؟

دامها نفس الحكايه ..

.. ضيقتي / حزني / همومي

وحدتي ..

.. احساسي المتعب و لومي


كلها


روتين يومي !


يا أنا


من البدايه ..


قلت لك .. وش الجديد ؟

[أبـــو شـــهـــاب]

شقردي
تسلم اناملك

كتبت لنا

فأبدعت

وابدعت فأقنعت

تحياتي لك

[هادئه المشاعر]

جرحتنيـ وانا قلبيـ بلياكـ مجروحـ
مبطيـ وقلبيـ منـ جروحهـ يعانيـ
..................................................
يعطيكـ العافيهـ اخويـ كلامـ فيـ غاية الروعهـ
والابداعـ يسلمـ ـ ـ ـ ـ ـ ـ ـو ,,,

ونتظر كل جديد

تقبل مروري

[ورد الشرقية]

وش الجديد ؟

لا بقيت الليله لحالك ..

ولا حولك احد

.. يفهم اللي ما عرفت تقوله ..

وياصل اللي ما قدرت تطوله !!

ما انت كنت البارح لحالك وفي نفس الشعور !

[ليه الصد والجفا]

من هنا كانت بدايات الحزن
.. ورده .. وضيقه .. وتلويحة جفا !
من هنا تتشكل عيونك مزن
ويتساقط .. ما بقى بك من .. وفا

كل الحب والاحترام لك يا الشقردى واشكرك على هذه الاحاسيس المرهفه
ودمت بود...

][®][^][®][المشتاق الى رؤيتك!!!!!!!][®][^][®][